Íslensk fyrirtæki strand í fjármálakreppu

Það kom ekki fram í frétt Mbl hvort sala Geysis Green í Western Geopower sé hagstæð.  1 milljarður virðist ekki mikið í dag. En vonandi er þetta nóg til að halda áfram uppbyggjandi verkefnum í Kína.  Ég veit að eldhugar bíða eftir að hefja framkvæmdir við að byggja upp veitur sem munu vera mjög umhverfisvænar og eiga eftir að hjálpa Kínverjum við að fækka  mengandi orkugjöfum. 

Geysir Green selur hlut í kanadísku félagi

Fréttaflutningur um hótanir og aðra andfélagslega hegðun, afleitur.

Fólk sem að tekur uppá svona iðju eins og skýrt er frá í frétt mbl.is nærist á því að fá umfjöllun um sig í fjölmiðlum.  Því væri mikils virði að fjölmiðlar hættu að senda álíka fréttir frá sér.  Það er oftast hvatning til þeirra sem haga sér svona þ.e. senda sprengjuhótun að halda áfram, gera meira, enda líta þeir/þær svo á að með umfjöllun frettamiðla verði þeir merkilegri og stærri menn.  Ég hvet því fjölmiðla til að endurmeta fréttaumfjöllun sína, nú þegar margir eiga um sárt að binda og telja sig mega haga sér verr en áður, vegna ástandsins í samfélaginu.

Sprengjuhótun í Grafarvogi

Eldur og Guðrún á leið til Kína. Tungufljót, nýliðnir bændadagar, skírn á sunnudag.

Það hefur verið mikið að gera hér á Torfastöðum undanfarna daga.  Vinir Elds voru hér um síðustu helgi skemmtu sér saman sulluðu í heitapottinum, fóru í leiki, borðuðu og drukku.  Einskonar kveðjuhóf með Eldi áður en hann heldur til Kína.  Þangað eru hann og Guðrún að fara eftir hálfan mánuð. Hann verður áfram í vinnu hjá sínu fyrirtæki og hún stefnir á nám.  Spennandi en frekar kvíðvænlegt fyrir mömmu gömlu.  Fuglarnir að fljúgja úr hreiðrinu og fara eins langt og þeir komast.  Það verður spennandi að fá að heimsækja þau til Kína.

Bændadagar voru í Tungufljóti síðastliðinn þriðjudag.  Veiðin var misjöfn en sumir gestir okkar héldu mjög glaðir til síns heima með tvo og þrjá laxa í farteskinu.  Aðrir fengu minna.   Í gær fengum við fréttir af því að fyrsti laxinn hafi veiðst fyrir landi Torfastaða.  Það var ánægjulegt.  Vonandi veit það á mikla veiði næsta sumar.

Fannar Margrét og börn hafa verið hér síðan á sunnudag.  Fannar veiktist eftir landsleikinn við Hollendinga sem fór fram á laugardaginn var.  Hann hefur verið veikur síðan, kominn með lungnabólgu og Margrét hefur í nógu að snúast með börnin tvö.  Stormur líka slappur kvef og þyngsli í brjóstholi.  Ekki gott en hefst allt með samheldni.  Á sunnudaginn stendur til að skíra litlu í Torfastaðakirku og verður spennandi að fá nafn á hana.  Vonandi verður heilsufar ungu fjölskyldunnar orðið betra.

Björt og Birgir komu með einkasoninn 13 daga gamlan í fyrstu heimsókn hans á Torfastaði. Birgir tók þátt í bændadögum í Tungufljóti en Björt og sonur dvöldu heima, hann drakk og svaf. Ægilega sætur..

Hvaða menn voru þetta, sem settu sig í stjórn og hirtu eignir?

Þetta þykir mér góðar fréttir.  Ég vona að í kjölfarið verði skoðað hvernig Brunabótafélag Íslands og eignir þess hurfu.  Eignir í ýmsum félögum Samvinnuhreyfingarinnar virðast hafa farið sama veg og eignir Samvinnutrygginga. 

Fara í mál við valda menn

Stjórnin í Burma söm við sig

Aung San Suu Kyi hefur setið í stofufangelsi í tæp 20 ár að því er mig minnir.  Ég lét mér detta í hug að sundamaðurinn hefði verið fenginn til að synda yfir til hennar svo hægt væri að sakfella hana fyrir eitthvað.  Nú hefur hann fengið harðan dóm og ég læt mér detta í hug að það sé sýndardómur.  Stjórnvöld virðast mjög hrædd við hana og óttast hve sterk hún er í hugum íbúa Burma.  Synd að íbúarnir skuli ekki geta náð því lýðræði sem þeir vildu þegar þeir kusu hana leiðtoga landsins.

Suu Kyi sakfelld

Ég sjálf að komast nær Kína og íbúum landsins.

Mig langar mjög að blogga um þessa frétt en er sennilega vanhæf og mun því ekki segja neitt.  Á morgun tek ég á móti hr. Jiang Zhu, og konu hans en hann er svæðisstjóri Geysis Green Energy í Asíu, með aðsetur í Shanghai.   Eldur minn verður líklega samstarfsmaður hans fljótlega en allavega verður maðurinn í mat hjá mér annað kvöld.  Hlakka til að hitta manninn og konuna hans og vona að ég mæti væntingum allra varðandi mat, drykk, og félagsskap á morgun. 

Enex Kína í sæng með Sinopec

Rannsóknarnefnd alþingis um bankahrunið...

Það var mjög ánægjulegt að hlusta á Pál Hreinsson formann rannsóknarnefndar alþingis um bankahrunið í útvarpinu í morgun í þættinum: Í vikulokin.  Það er sjáldgæft að heyra í fólki sem er eins vel undirbúið, skýrmælt og áheyrilegt og Páll var í morgun. 

Hann sagði að verstu fréttir sem þjóðin fengi, eða hefðu fengið, yrðu frá rannsóknarnefndinni og við erum ekki hissa á að heyra það.  En Páll og flotta og virðulega nefndin sem hann er í forsvari fyrir, kann að koma fram með niðurstöður sínar þannig að við, almenningur, munum hlusta.  

Ég ber mikla virðingu fyrir fólki sem vinnur eins og rannsóknarnefndin gerir og bíð átekta eftir niðurstöðu hennar.  Ég þakka fyrir að Tryggvi umboðsmaður alþingis og Páll og Sigríður voru tilnefnd og tóku setu í nefnd alþingis á rannsókn á bankahruninu.

Verri fréttir en nokkur nefnd hefur þurft að færa

Allir alþingismenn standi saman að því að koma Icesave samningnum í höfn.

Vonandi standa stjórnmálamenn allir saman, og vinna saman að hag allra landsmanna, nú þegar verkefnið er eins alvarlegt og það er.  Það verður Íslendingum öllum til heilla ef menn leggjast á eitt og reyna að ná bestu niðurstöðu sem fáanleg er í Icesave málinu og þeirri ábygð sem ríkið þarf að veita.

Styðja Icesave með fyrirvara

Bíðum eftir nýju barnabarni

Verslunarmannahelgin var alveg yndisleg hér á Torfastöðum.  Húsið fylltist af börnum og foreldrum þeirra, langamma mætti og er hér enn og svo voru væntanlegir foreldrar líka með okkur.  Fannar keppti á Gautreki  og þeir unnu 3ja sætið í B flokknum. 

Ég eyddi öllum sunnudeginum í Hrísholti var þulur á Hestaþingi Loga og var orðin ansi þreytt að loknu mótinu.  Það fór mjög vel fram, veðrið aldrei verið betra a.m.k. 22 stiga hiti allan daginn.  Gestir og keppendur mjög glaðir og gaman að vera meðal fólks sem kann að gleðjast yfir eigin sigrum eða sigrum annarra.

Næsti viðburður verður sennilega sá að Björt fæðir barn.  Hún á von á sér næstu daga og við bíðum spennt.  Nýjast fjölskyldumeðlimurinn stúlkubarn Fannars og Margrétar og systir Storms veitti öllum mikla gleði.  Það gerðu líka sætrri börnin, Andrea, Emil Goði, Óli og svo Stormur.   

Allt landið eitt lögregluumdæmi.

Ég vona að Ragna dómsmálaráðherra nái þessu máli í gegn.  Ekkert hagsmunapot politíkusa heldur hugsað um heildarhagsmuni.  Auðvitað missa einhverjir spón úr sín um aski, allir sýslumennirnir hljóta að hafa áhyggjur af eigin hag.  Margir á prósentum af innheimtum gjöldum eða hafa allavega tekur af innheimtunni.  Svo allir hinir sem eru hræddir við breytingarnar, missa e.t.v. völd. 

Áfram Ragna, eitt lögregluumdæmi Íslands yrði mjög stór og mikilvæg breyting í þágu allra landsmanna og mynd þar að auki væntanlega spara mikil útgjöld, ekki veitir nú af.

Ísland verði eitt lögregluumdæmi