Sveitarstjórn Bláskógabyggðar fundar eftir sumarfrí.

Fyrsti fundur sveitarstjórnar eftir sumarleyfi, var í gær.  Fyrir lágu ýmis góð mál eins og gengur.  Ég hafði beðið um fundargerð Fjallskilanefndar Biskupstungna og barst hún á fundinn.  Ýmsar sögusagnir hafa verið um fjallferðir og að menn ætli ekki að fara á fjallið vegna leiðinda þar, en ekkert kom fram í fundargerðinni sem gaf tilefni til að ætla að fjallmenn væru ekki glaðir í leitum.  Vonandi verður fjallferð Biskupstungnamanna eins ánægjuleg og þær voru á árunum 1983-2003.  Ég fór öll árin frá 1985 og naut mjög samveru, við  fólk fjöll og náttúru, í heila viku, árlega í september.  Fundargerði sveitarstjórnar eru birtar á heimasíðu Bláskógabyggðar og hvet ég fólk til að lesa þær, netfangið er:   http://www.blaskogabyggd.is

Greinargerð sem kynnt var á fundinum frá Svanhildi, fráfarandi leikskólastjóra í Álfaborg var einstaklega vel unnin og flott og á Svanhildur mikið hrós skilið fyrir starf sitt í leikskólanum Álfaborg, undanfarin 15 ár. 

Kjartan lagði fram ýmsar fyrirspurnir á fundinum mun ég kynna svörnin fljótlega þegar þau berast frá oddvita, skriflega eins og hann samþykkti að gera, enda voru fyrirspurnir Kjartans skriflegar.   

Ég hvet fólk til að hafa álit á sveitarstjórnarmálum á blogginu mínu, gera athugasemdir og setja fram eigin ábendingar.  Það hjálpar okkur T-listafólki að hvetja til góðra verka og hafa aðhald á meirihlutanum í Bláskógabyggð. 

Stuðningur við ljósmæður

Þar sem ég er í stjórn Kvennahreyfingar Samfylkingarinnar finnst mér rétt að kynna samþykkt stjórnar sem gerð var í gær um áskorun til ríkisstjórnarinnar vegna launadeilu ljósmæðra og ríkisins.  Áskorunin er svona:

Kvennahreyfing Samfylkingarinnar lýsir yfir þungum áhyggjum af þeirri launadeilu sem upp er komin milli ríkisins og ljósmæðra.  Einnig lýsir Kvennahreyfingin yfir þungum áhyggjum af öryggi fæðandi kvenna og nýbura.

Laun ljósmæðra eru með því sem lægst gerist innan Bandalags háskólamanna þótt nám þeirra sé eitt það lengsta sem krafist er af ríkisstarfsmönnum.

Byrjunarlaun ljósmæðra eru til dæmis helmingi lægri en byrjunarlaun verkfræðinga með meistaragráðu.  Launakjör ljósmæðra eru til marks um að hvorki þarfir né störf kvenna séu metin að verðleikum.  Kvennahreyfing Samfylkingarinnar leggur áherslu á að störf ljósmæðra verði endurmetin miðað við þá miklu ábyrgð sem þær gegna.

Ríkisstjórnarflokkarnir hafa þá stefnu að jafna óútskýrðan kynbundinn launamun hjá ríkinu. Semja þarf um kjör handa ljósmæðrum sem standast samanburð við sambærilegar karlastéttir. Það gæfi íslenskum konum von um að jafnréttismarkmið ríkisstjórnarinnar stæðust.

Stjórn kvennahreyfingar Samfylkingarinnar skorar á ríkisstjórnarflokkana að leiða kjaradeiluna til lykta og standa þannig við stefnuyfirlýsingu ríkisstjórnarinnar um endurmat launa hefðbundinna kvennastétta.

Vonandi ber ríkisstjórnin gæfu til að standa við eigin orð um aukið jafnrétti launa.

Lýsa yfir áhyggjum af boðuðu verkfalli

Hvaða vegur við Laugarvatn?

Það eru þrjár leiðir að Laugarvatni og ég velti fyrir á hvaða leið umrætt slys var.  Gjábakkavegur hefur oftast haft hæstu slysatíðni vega skv. upplýsingum frá Vegagerðinni. Mörg og alvarleg slys hafa verið á leiðinni að Laugarvatni frá Grímsnesi (Svínavatni) á síðustu tveimur árum.  Ég veit ekki hvernig staðan er á leiðinni að Laugarvatni um Laugardalinn.  Mjög mikil umferð á þessum leiðum og nauðsynlegt að vegirnir séu með háa öryggisstaðla.  Sú er ekki raunin við Laugarvatn og mikilvægt að það breytist.  Vegirnir hafa oft mjög litlar vegaxlir í þeim eru lægðir og hæðir og mjög fáir beinir vegakaflar.

Útafakstur við Laugarvatn

Körfuboltasigrar falla í skuggann af handboltanum

Erum öll svo hreykin af fræknum sigrum handboltaliðsins í Peking að ég gleymdi alveg að athuga hvernig piltunum okkar gekk gegn Írum í körfunni.  Það er ekki fallegt til frásagnar að mamma gleymir syninum smá stund. Vaknaði af ljúfum svefni til að athuga málið. Þeir sigruðu auðvitað.  Flottir.  Nú er bara að sigra Ameríkanana í næsta leik.

Sigur vannst á Írum

Huginn frá Haga. Hryssur hans sónaðar á morgun.

Sérkennilegt! Ætlaði að blogga mest um stjórnmál þegar ég byrjaði að blogga í mars s.l. (eftir að ég slasaði mig) en undanfarið hef ég mest bloggað undir flokknum vinir og fjölskylda.  Fjölskyldan og vinir hafa alltaf verið mest virði fyrir mig svo e.t.v. er ekki að undra að ég ræði málin undir þeim lið þótt sveitarstjórnarmál séu líka mjög skemmtileg og mikilvæg. 

Fannar er kominn með landsliði körfubolta til Írlands hringdi áðan og lét vel af sér.  Strákarnir komnir til Dublin og muni spila á móti Pólverjum á morgun.  Hélt að Stormur yrði í pössun á Torfastöðum í vikunni en það verður ekki fyrr en um helgina.  Mamma hans að fara í próf eftir helgina. 

Á morgun verða hryssum sem hafa verið á Torfastöðum undir Huginn frá Haga sónaðar, byrjað verður kl. 11:00, og vonandi verða sem flestar fylfullar.  Þá fara þær til síns heima, og verður gott að losna við þær, enda erum við stöðugt að fylgjast með að allt sé í lagi hjá hestinum. 

Höfum verið að girða sumarhúsalandið af og í dag tóku Sigtryggur bróðursonur Margrétar og Ólafur upp óþarfa girðingu á sumarhúsasvæðinu sem við settum upp fyrir fjórum árum síðan. Nú er féð farið og því ekki nauðsyn á nema stórgripagirðingu.  Við erum við oft logandi hrædd um að fá yfir okkur nautgirpi frá nágrönnunum.  Nú eru miklu minni líkur á að nautgripirnir valdi tjóni komi þeir yfir á okkar land. Getum því sofið róleg vegna nautgripa nágrannanna.

Skemmtilegar körfuboltafréttir

Það er gaman að fá skemmtilega fréttir nú þegar lætin í Reykjavík eru að líða hjá.  Körfuknattleiksstrákarnir á leið til Írlands og Jón Arnór og Jakob komnir í KR.  Fannar gaf færi á sér í landsliðið og Frikki virðist orðinn frískur.  Framundan er æsispennandi körfuboltavetur miklar breytingar í liðunum og spennandi að sjá hvernig það kemur út.  Áfram Ísland.

Körfuknattleikslandsliðið til Írlands

Hver blekkir hvern?

Aumingja Ólafur F. fellur á eigin bragði.  Var blekktur svo blekkti hann og var enn blekktur.  Vont að vera í stöðugum blekkingarleikjum og falla svo á eigin bragði.

Ólafur: Blekktur til samstarfs

Tungufljótið fullt af laxi

Fjöslkylda mín leigði allar fjórar stangirnar í Tungufljóti í tvo daga eins og hefur komið fram á blogginu mínu.  Mjög mikið af laxi var allsstaðar í kringum veiðifólkið og þeim fannst mjög skemmtilegt að standa við fossinn Faxa og horfa á allan laxinn stökkva.  Laxarnir sem veiddust í Hvítá voru á leið í Tungufljótið.

300 laxar á land í Hvítá

Meira umferðaröryggi

Ég efast ekki um að hægt er að vinna hratt í skipulagsmálum hringvegar milli Selfoss og Hveragerðis.  Það vija allir flýta málinu svo nú er lag að allir taki höndum saman og flýti skipulagsvinnunni og samningum við landeigendur. Það er örugglega mjög mikið að gera hjá Vegagerðinni en nú þarf þetta verk að komast í forgang.  Það er alltof dýrt að bíða.

Segir boltann nú hjá Vegagerðinni

Spennandi tími framundan

Það eru næstum þrjár vikur síðan ég meiddi mig á ökla.  Hef ekki getað gert neitt úti, sársaukinn svo mikill þegar ég geng.  Fjörið um verslunarmannahelgina og svo veiðin í Tungufljóti í síðustu viku settu mikið álag á fótinn en ég vona þó að ég sé að lagast. Ætla að reyna að setjast á Knörr minn í dag, sjá hvernig það gengur fyrir fótinn.  Ef ég það gengur vel þá get ég farið að þjálfa mig aftur í reiðmennskunni og í framhaldi af því að þjálfa hross sem mig langar að koma í gott form.  Á Hnoss frá Torfastöðum undan Háreki frá Torfastöðum og Randalín frá Torfastöðum.  Hún er svaka efnileg, varð 4ra vetra í vor.  Á líka Gersemi frá Torfastöðum en hún er undan Veru, Randalínsmóður og Háreki frá Torfastöðum.  Er mjög spennandi hryssa fædd 2004.

Ég ætlaði sannarlega að fara í heimsókn í Borgarfjörðinn í sumar en hef ekki komið mér enn.  Siggi og Inga eru að byggja í Lundareykjadalnum.  Diddi og Ásgerður flutt í Reykholt í Borgarfirði,  Einar systursonur Óla býr með fjölskyldunni á Kleppjárnsreykjum og svo er Harpa systir á Búrfelli.  Ekki amalegt að geta heimsótt allt þetta sómafólk. 

Margrét er farin til Rvk í verknám og Stormur fylgir henni.  Hún ætlar þó að koma og læra hér í nokkra daga þá fáum við prinsinn.