Sveitarstjórn Bláskógabyggðar með fund í dag 3.3.2009

Miklar annir hjá mér í dag, var í Sunnulækjarskóla í morgun og fór svo á fund í Aratungu kl. 15:00 í dag.  Ég ætlaði að koma ýmsum málum á fund sveitarstjórnarinnar.  Sendi póst á föstudaginn var en oddvitinn sagðist ekki hafa opnað póstinn sinn fyrr en í hádeginu á mánudag.  Hann sendi mér þá skilaboð um að ég yrði að koma meiru kjöti á beinin eins og hann kallar það, til að fá óskir mínar um dagskrá á fundinum inná fundarboðið, ekki væri nóg að senda eftirfarandi póst um að ég vildi ræða.  Þetta var það sem ég óskaði eftir að yrði á dagskrá fundarins. 

1. Ósk um kynningu á störfum umhverfisnefndar. 

2. Staðardagskrá 21

3.  Umræða og stuðningur við hugmyndir um atvinnusköpun í Bláskógabyggð.

4.  Staða þriggja farsa rafmagns í Bláskógabyggð

5. Samþykkt sveitarstjórnar vegna orkumála, rafmagn, heitt vatn. 

Erindið sem ég sendi sveitarstjórn með kjöti á beinum, eins og oddvitinn segir, komst ekki til skila.  Eitthvað að nettengingunni hjá mér.  Ósk minni var því hafnað um dagskrárefni mín.  Svona var það nú. Verð að taka málin fyrir á næsta fundi sveitarstjórnar.  Verð að vera búin að stilla póstinn minn rétt, svo ég geti sent e-mail.

Athugasemdir

[Salóme B. (IP-tala skráð) 4.3.2009 kl. 01:43]

Datt í hug að láta þig vita af googlemail.com , var að fá upplýsingar um þetta sjálf og lýst dável á  . Salóme

[Drífa Kristjánsdóttir, 4.3.2009 kl. 23:36]

Þakka þér athugasemdina Salóme.  Gogglemail er örugglega ágætur, en ég vissi bara ekki að pósturinn minn hefði ekki komist á leiðarenda.  Sveitarstjórnarmenn hafa sjaldnast sent mér upplýsingar um að þeir fái póst frá mér svo svo ég var sallaróleg og hélt að allt væri í lagi.  Það kom mér því mjög á óvart á fundinum að pósturinn minn skyldi ekki hafa borist samstarfsfólki mínu og ákvað því að blogga um þetta og skensa þá svolítið því ég segi alltaf já þegar þeir biðja um að fá mál á dagskrá funda en ég verð að sæta sérstökum reglum þeirra til að fá mál inná fundi.  Mér finnst það oft mjög hlægilegt, en svona er það bara.