Miðborgin, gömul hús

Hef átt húseign í miðborginni síðan 1972.  Þá þótti glapræði að kaupa sér íbúð í gömlu niðurnýddu timburhúsi.  Breiðholtið og steinsteypan var viturlegri fjárfesting að mati flestra.  Nú er húseign mín allt í einu mikils virði fyrir fjárfesta sem vilja byggja ný hús.  Þeir bjóða gull og græna skóga til að fá lóðir í miðbænum en vilja rífa gömlu húsin sem eru á lóðunum.

Var í stjórn Torfusamtakanna, þegar Vilmundur Gylfason heitinn þáverandi menntamálaráðherra friðaði Torfuna.  Mikill sigur og í kjölfarið var Torfan gerð upp og verndarsjónarmið í miðbænum urðu ríkjandi.

Peningar eru freisting þeim sem fá há tilboð í eignir sem áður voru ekki mikils virði.  Þarf ekki að stofna sjóð sem kaupir eignir fólks sem vill selja gömul hús á því verði sem nú er boðið í húsin? Verndarsjóð gamalla húsa sem mikilvægt er að varðveita. 

37 auð hús í miðborginni

Athugasemdir

[Hafdís Lilja (IP-tala skráð) 4.4.2008 kl. 09:43]

Ég sé ekki fyrir mér miðbæinn án torfunnar.  Gott að barist er fyrir verndun gamalla húsa.

Og ekki síður barna.

Takk fyrir það.

[Guðrún Helgadóttir, 4.4.2008 kl. 09:49]

Já eitthvað þarf að gera áður en gróðahyggjan er búin að leggja hjarta borgarinnar í rúst!

[Kolbrún Jónsdóttir, 4.4.2008 kl. 15:54]

Já allavega verður eitthvað róttækt að gerast.  Opna þarf augu gróðrapúkanna að gömul hús eru verðmæti sem hlúa þarf að.

[Sturla Snorrason, 6.4.2008 kl. 19:02]

Það þarf að friða allan gamlabæinn.